Æresprisen vert delt ut til leiarar, trenarar eller utøvarar kvart år. Det er klubbane som nominerer og leiinga i krinsen som deler ut prisen. Denne gongen gjekk den til dei to beste 18-åringane i fylket, Steinar Kleppe og Helle Nybø Waage.

-Ei ære

-Dette er ein ære. Det viser at dei set pris på det eg gjer. Det er klart dette gir motivasjon til å halde fram, fortel Kleppe som trenar hardt til neste sesong.

I fjor vann han både UM og junior-NM i slegge. Helle Nybø Waage tok i sommar gull i UM i si beste grein, tresteg. Ho tok sølv i i lengde.

Trenar i Florø Turn og Idrettsforening, Rune Osa, er nøgd med at to frå klubben får utmerkinga.

-Ja, det er klart at det er kjekt.

-Dette er kanskje eit teikn på at klubben gjer noko riktig?

- Ja, vi gjer noko riktig, smiler Osa.