Samtidig med snøen kom også det første vårteiknet til Svortevik.

– Måndag 22. januar såg eg for første gong to grågjess . Det er det tidlegaste eg har sett grågås her i området, fortel Ove Svortevik.

Fuglane kan sjølvsagt vere blant dei ytterst få som ikkje tok til vengjene og flaug sørover i august-september, men gåsa er definitivt ingen vanleg overvintringsfugl.

Men det er eit faktum at gåsa dei siste åra har hekka tidlegare og tidlegare på våren, og trekkjer sørover allereie på seinsommaren.