Det har regjeringa bestemt. Målet er at basen skal vere sett i drift frå 1. januar 2009.

Kontraktstida er på åtte år, med høve til forlenging.

– Regjeringa er i full gang med å utforme kravdokumentet til basen, seier statssekretær Terje Moland Pedersen i Justis- og politidepartementet.

Basen skal ha døgnkontinuerleg personell og legevakt. Eit helikopter skal vere i lufta innan 15 minutt, medan eit reservehelikopter skal kunne vere i lufta innan seks timar. Basen skal også kunne drive med luftambulanseoppdrag om det er ønskjeleg, men skal i utgangspunktet ikkje direkte inngå som ein del av norsk luftambulanse.