Etter alt å dømme var det gneistar frå ei klemme med dårleg kontakt som var årsaka til brannen. Gneistane tende det knusktørre graset og berre litt flaks og ein veg kring anlegget, som fungerte som ei effektiv branngate, gjorde til at brannen ikkje spreidde seg.

Det hadde akkurat byrja å brenne i området utanfor det inngjerda området då brannmannskapa kom fram, men det lukkast å sløkke. Mesteparten av krattet og buskene innanfor området var avsvidd.

Brannmannskapa fortel til Firdaposten at det var nære på, for kraftige vindkast kom tid om anna og gjorde sløkking vanskeleg. Det vart ikkje skader på linjer eller anlegg. SFE var også på staden og retta opp feilen.