For små jenter og gutar i alderen 3 til 8 år tilbyr Lisa Melvær Giil (23) danseskule for ballettinteresserte i haust. Danseskulen tek til den første helga i september, og spenner seg over fire helger i oktober, november og desember.

- VI dansar på Flora vidaregåande skule. No er klassane fulle, men eg er open for å opprette fleire grupper om det er fleire interesserte der ute, seier ho.

Giil oppmodar foreldre til å ta kontakt, slik at ho kan få eit overblikk over kven som ønskjer å vere med.

Sommarskule

Giil har i sommar hatt sommarskule, og byrjar på att med helgebasert danseskule i haust. Giil har tidlegare sagt til Firdaposten at ho håpar på at haustsemesteret denne gongen vil ende i ei førestilling med ulike koreografiar.

Verdifull erfaring

Giil går til dagleg på lærarstudie i Bergen, og meinar at pedagogikken ho studerer hjelper ho med danseundervisning.

- Det er klart at pedagogikk hjelper meg i undervisninga, og at det gjev meg verdifull erfaring i samhandling med barn, sa ho då.