For nettopp "På ville vegar" hadde koret kalla varieté-konserten dei hadde sett opp på Brandsøy skule søndag. Dette var første gong dei hadde utvida repertoaret til å gjelde populærmusikk. Kring 150 personar sat i salen og likte det dei fekk høyre. Dei likte også det dei fekk sjå. For dei 25 i koret hadde lagt seg i selen for at konserten skulle bli noko anna enn berre opp-og-ned korsong. Under Halfdan Sivertsen si Nordaførr-vårvise synte dei med vantar og skjerf korleis sol og vår ristar liv i vinterkalde kroppar.

Illustrasjon

For å ikkje nemne det svermande ekteparet Tor Otto og Åshild Kjelsnes som hadde dekka på med lys og røde roser under Postgirobygget sin sommarslager "En solskinnsdag". Vi merka også ei auke i programmet. Paul Simon sin ballade "Bridge over troubled water" med solist Kai Helge Rønvåg hausta frysning og trampeklapp. Så meldte klumpen i halsen seg under Erik Clapton sin "Tears in heaven".

No gjekk det over i ei meir munter avdeling. "Scandinavian Shuffel", og salen klappa frå start, og musikal nummra tok over med evigunge Grease Lightning og Summer nights frå "Grease".

Ekstranummer?

Ein rik varieté vart avslutta av "Thank you for the music" og Brandsøykoret kunne motta ståande applaus. Sjølv ei strofe til av Abba-slageren stilna ikkje applausen.

– Vi har liksom ikkje øvd inn noko ekstra nummer, men var det noko det likte?, spurde Kai Helge Rønvåg og fekk til svar at han måtte synge solonummeret sitt på nytt.

– Dette gav meirsmak sa ein utlada Laila Sognnes, leiaren for koret, medan kultursjef i Flora, Edvin Helgheim kom innom viste tommen opp i garderoben og uttrykte "veldig bra". Det er gledeleg å oppleve at også Florø har ei kulturscene like i aust. No gler vi oss til neste varieté og reknar med at koret har ekstranummeret på plass.