Florø har bursdag 16.mai, og ein ønskjer etter suksessen i fjor å lage ein ny tradisjon rundt feiringa av byen.

- Det blir ein fin dag med høve til å hente fram eit plagg du har liggande på loftet som ikkje ’passar’ inn i dagens motebilete og bli med i ’kostymetoget’ som går gjennom bygatene og endar på torget, seier Myrtell Horne og Marit Gjerstad.

Floraskulen Brassband og drilltroppen skal også gå i toget, så her blir både musikk og drill.

På torget skal Kreativiteten og Røde Kors Flora selge kaffi, vaflar og kaker.

- Kostyme eller ei, ta ein liten rusletur til by'n, kikk på folk og nyt ein kaffe på torget! Bli med å feire bursdagen til Florø by, oppfordrar dei.

Det er oppstilling til toget kl. 17.45 ved Florø barneskole, og kakesal på torget frå klokka 18.

Byen vår Florø og Myrtell Horne ønskjer no å presisere at det ikkje er "Sommar-kjippen" som skal arrangerast i Florø-gatene 16.mai. Mange har misforstått kva arrangementet eigentleg skal vere.

Treng du inspirasjon til kostyme? Sjå bilde frå jubileumsopptoget i 2010: BILDE: Kostymeparade