«Kjempeflott». «Høg kvalitet». «Stor breidde» og «alle tiders konsert».

Slik oppsummerte publikum sjølv Flora Bremanger Brass Band sin Nyttårskonsert laurdag kveld. Og det kan eigentleg ikkje oppsummerast på ein betre måte.

Publikum vart servert eit flott og varierande program av høg kvaltiet. Mellom anna gjennom ei mektig framføring av ein medley av musikk frå Star Wars-filmane, julesongar og ikkje minst popmusikk frå Boney M.

Fast tradisjon

Nyttårskonserten laurdag var den femte konserten på rad for brassbandet, og det vart såleis eit aldri så lite jubileum ut av det som etter kvart har blitt ein fast nyttårstradisjon for folk i distriktet. Så populært har det vist seg å bli, at arrangøren måtte setje inn ekstra stolar

Sjølv var dirigent og primus motor Johnny Sælemyr både stolt og takksam for dei siste fem åra.

– Det har vore ei eventyrreise som har vore positiv frå ende til annan. Interessa for nyttårskonserten har vekse jamnt og trutt. Oppmøtet i dag er formidabelt, smiler Sælemyr.