Sju veker før startskotet går for Sirkus Bremanger, er halve Bremangerhallen allereie booka.

Det skriv Sirkus Bremanger i ei pressemelding, og avslører samstundes at trickegruppa Trickstar frå Bergen kjem for å underhalde 30. oktober.

Gruppa utfører spenstige spark og spenn kjend frå kampsportens verd. Med pallplassering i The Big Trick i 2009, vert gruppa rekna som ein av dei beste i verda.

Eit medlem blei også tildelt FYSAK prisen for gruppas arbeid med å skape trickemiljøet i Bergen.

Trickstar består av Sebastian Dalseide, Fredrik Wingsternes, Ngheip Ke Cong og Severin Blytt.