– Når folk er i så stor naud som dei i Haiti, så overskuggar det alt. Om vi kan bidra til å gje eit håp til dei som står midt oppe i det, vil vi hjartens gjerne gjere noko.

Det seier dirigent i Florø Skoles Musikkorps, Johnny Sælemyr.

Det var dette som gjorde at korpset i samarbeid med Flora Bremanger brassband, songsolist Marit Osland og saksofonist Leszek Michalski ønskte å arrangere ein støttekonsert i kyrkja for offera i Haiti.

– Det var god plass til fleire i kyrkja, seier ein noko skuffa Røde Kors-leiar Harald Engevik.

Men dei som kom fekk i alle fall med seg eit flott og vakkert show, med gode lokale musikantar.