Kommunelege Jan Helge Dale. Ordførar Bente Frøyen Steindal. Ungdomsordførar Erlend Bøe og stortingsrepresentant Knut Arild Hareide.

Alle fekk dei passet sitt påskrive, gjennom florørussen sitt satiriske skråblikk; russerevyen «Vi drit no i det» no på fredag.

Mykje krut

Og kanskje burde dei vente det. For la oss vere ærlege. Mykje interessant har prega nyheitsbiletet det siste året: Mellom anna NAV- saka. Simon-saka. Lasershow og ordføraren sin omdiskuterte jubileumstale. Og bilgøymsle.

Alt dette vart teke opp i revyen, om enn med glimt i augo. Og det til mykje lått og moro frå ein fullsett sal. Så dei som framleis hevdar at ungdommen i Florø ikkje eig samfunnsengasjement og får med seg det som skjer, har tydeleg ikkje vore på revyen i samfunnshuset fredag.