Ingen fugl vart gløymd denne konserten. Det sikra koret seg allereie i starten då dei gjekk rett frå ein tur på stien til "Alle fugler". Frå det heilt tradisjonelle utvida koret spekteret etter kvart med ei fransk dansevise frå 1500-talet, til Bellmann, til "Morning has broken" med Cat Stevens, ulike folkeviser og stev, opplesing av eventyr med fuglar som tema og fram til Beatles og merkelege "Blackbird" Eit variert og fint program frå koret som etter fugleterminologien har berre tre hanar i korga. Til gjengjeld viser og høyrest dei godt igjen i flokken.

Den einaste tenoren, Kolbjørn Taklo, var frampå to gonger som solist med songar som ligg spelemannshjertet hans nær. Med skjemtevisa "Kråkevisa" og med "Tiurleiken" av Geir Lystrup. Bassen Kai Rønvåg var føresongar for "Alle duene".
Dette var første konsert med den nye dirigenten, polske Anna Henrykovska Michalska. Koret kling godt og dette ser ut til å bli eit vellykka samarbeid framover.

BRANDSØYKORET Brandsøykoret prisa våren søndag ettermiddag. Her er Kai Rønvåg solist med Alle duene.