Hausten og vinteren er tid for å tenne levande lys, og uheldigvis er dette kvart år også ei kjelde til at bustadbrannar oppstår.

Ifølgje fersk statistikk frå Direktoratet for samfunnssikkerheit og beredskap er det så langt i år registrert 848 bustadbrannar her i landet. Talet for heile 2006 enda på 1564. I år har 59 menneske mista livet i brann, ein auke på 19 prosent samanlikna med same tid i fjor.

Det er mange enkle grep ein kan gjere for å minske brannfaren.

Sjekkpunkt for ein meir brannsikker heim

-Alle bustader skal ha minst ein røykvarslar – fleire vert anbefalt. Test røykvarsleren kvar månad. Bytt batteri årleg

-Alle bustader skal ha handsløkkeapparat eller husbrannslange lett tilgjengeleg. Les bruksrettleiinga

-Sjå til at rømmingsvegar er rydda. Ved brann må du kunne komme deg raskt ut, utan å bruke nøkkel

-Unngå brennbar dekor. Fjern brennbare lysestakar og lysmansjettar. Sløkk alltid stearinlys før du forlet rommet

-Dersom noko er gale med sikringane, kontakt elektrikar for å sjekke det elektriske anlegget

-Unngå tørrkoking. Blir du avbroten mens du lagar mat – slå av komfyren

-Pass på at omnane er plasserte i trygg avstand frå brennbart materiale. Omnane må ikkje dekkast til

-Fyr med tørr ved, og ha alltid god trekk. Oske kan vere brannfarleg i fleire dagar. Tøm oske forsvarleg

-Sørg for at elektrisk utstyr vert montert av autoriserte fagfolk – og vert brukt riktig

-Bruk vaskemaskiner og tørketromlar berre når du er heime og er vaken. Rens lofilteret på tørketrommelen regelmessig

-Det finst små, automatiske brannsløkkarar som kan monterast inne i sikringsskap og i større elektriske artiklar som TV'ar

(Kjelder: www.viivilla.no og Norsk Brannvernforening)