Eit fellesframlegg frå Høgre, Arbeidarpartiet, SV og Frp sikra pengar til utbygginga av Flora vidaregåande skule, slik at prosjektet kan starte allereie neste år.

Investeringsplan

Dette vart klart når Fylkestinget tysdag ettermiddag handsama Investeringsplanen for 2008-2015.

Utbygginga får 6 millionar til neste år, 22 millionar i 2009, 14 millionar i 2010 og 10 millionar årleg frå 2012 -2015.

Jobba hardt

- Eg og resten av Høgre har kjempa hardt og lenge for dette. Vi er glade for at vi har fått med oss dei andre partia på framlegget, eit framlegg som vi i Høgre har laga, seier Edith Aarebrot Madsen (H).

- Det viktigaste no er at bygginga kjem igong i 2008, og at anbodet kjem ut så snart som mogeleg. Det står det også i vedtaket, legg ho til.

- Det har vore harde forhandlingar, men til slutt vart dei fire partia einige om eit fellesframlegg. Vi er veldig nøgde med resultatet, seier Karianne Torvanger og Åshild Kjelsnes (begge AP).

Framlegget vart vedteke med 25 mot 14 stemmer.